1.12.02

Ich bin nicht mehr ein Berliner
kominn heim í heiðardalinn, tja eða öllu heldur heiðarhólinn.
úti er gott en heima er bezt!
nenni ekki að rekja sólarsöguna, allavega í bili, en maður veit aldrei hvað gerist.
tshüß!

26.11.02

Ich bin ein Berliner
Guten tag!
Nur bin ich in Berlin gehaben...bitte...schlümpf!
Já, afsakid ad ég hef ekki íslenska stafi, svona er thetta thegar madur er i odru landi.
Tad er voda fint herna, massi af tonleikum og fullt af tonskaldum...spurning hvort tau seu god, tad er allavega gott ad hafa massa af tonleikum!
Tonleikarnir eru adallega i Berliner Philharmonie husinu.

Hef annars ekkert ad segja nema ad hostelid okkar, sem heitir Circus, er bara ansi agaett. Snidid ad torfum ungs folks.
Tschüß :)

22.11.02

berlín, berlín
ég er að fara til höfuðstaðs Þýzkalands (fiskalands) á morgun....jíbbííí!!!
tónlistarhátíðin (sem er sennilega norrænir músíkdagar) kallast MAGMA. voða gaman. þarna hittast tónskáld frá öllum norðurlöndunum og nemendur verða með málþing. svo eru líka nokkrir þýzkir nemendur.
við förum með rútu, tekur 8 blessaða tíma!, og gistum á Hostel Circus! spennandi sjá hvort ég fái að vera í apabúrinu eða hvort ég þurfi að sofa hjá ljónunum.

bless í bili.
p.s. kem heim á föstudaginn.

4.11.02

laufin
laufin á trjánum fóru í verkfall - dettaájörðinaogsölnaverkfall.
haustvindurinn þeytir þeim því nú um göturnar í stórum flokkum. þetta líkist helst snjótittlingaflokkum - nema það heyrist ekkert "tíst-tíst...tíst-tíst".
laufin misstu sennilega málið við fallið.

31.10.02

gleymdi
að segja frá því að ég fékk rosa skemmtilegan geisladisk sendan um daginn. ástkær bróðir minn, eiginmaður og faðir...neinei...ég meinti bara ástkær bróðir minn sendi mér disk með video upptökum að austan. allir að taka upp kartöflur og strákarnir að segja frá hinu og þessu, spila á flautu og búa til leikrit, nafni að labba o.þ.h. rosalega gaman að sjá þetta. maður hefur náttúrulega ekki séð þessa krakka að neinu ráði. hryllilegt að eiga frændsystkini og þekkja þau nánast ekki neitt.

en þetta er svo sniðugt! að geta sent bara einn geisladisk með videoupptökum á og hljóðskrám líka. ég man þegar ég var lítill þá tókum við systkinin upp spólur til þess að senda ömmu og afa. spiluðum hitt og þetta og sungum. miklu skemmtilegra að fá þannig sendingar en reikninga :o)

26.10.02

nåh
það er ss anzi langt síðan ég ritaði hér síðast...eða er kerfið eitthvað að gabba mig? ég sem hélt að ég hefði sagt eitthvað meira en þetta með rakakremið??? jæja, ekki lýgur neddið! (svona í framhjáhlaupi, er einhver komin með annað nafn á þetta dæmi? endilega þá sendu mér póst á stefan@karlmenn.is)

þessa dagana er ég ofsóttur af góðum kvikmyndum. mulholland drive, nýja "almódóvar" myndin, einhver rosafín ný héðan frá árósum, einhver frönsk osfrv. svo vorum við að horfa á "the fight club" (klúbbur handalögmálanna) og er hún ansi góð. sama plott og í myndinni "beautiful mind" (hugarfegurð) með honum sæta þarna...Russel Crow var það heillinn! já slatti að gera í að glápa. en ég mæli allavega eindregið með mullholland drive. mjög góð ræma.

við erum búin að kaupa okkur flugmiða heim. komum þann 13.des (fös) til landsins. við erum farin að hlakka ROSALEGA mikið til.
þetta verða svolítið sérstök jól að því leitinu til að báðar systur okkar (Björg og Svanhvít) verða komnar í nýtt húsnæði. spennó að sjá.

Hanna og Hugi komu til okkar um síðustu helgi. mjög gaman. sungum slatta (raddir okkar passa nefnilega í kvartett) og spjölluðum og höfðum það notalegt. gaman að fá góða gesti!

svo voru Hilmar og Nína hjá okkur þar á undan. líka gaman. sungum ekki neitt en gerðum margt annað skemmtislegt. þau fylltu að sjálfsögðu húsið af gjöfum til okkar. erfitt að fá svona gjafmilda gesti, en rosalega gaman samt.

hætti í bili. góða nótt!



3.10.02

raki
ef ég væri latt rakakrem, þá myndi ég búa í Árósum!

30.9.02

hætt
jamms, við erum hætt að skúra í bankanum. Þyri er reyndar hætt því og ég er þess vegna hættur að hjálpa henni.

en annars þá var Klakamót hérna um helgina. á það mót mæta íslensk fótboltalið sem eru að æfa á norðulöndunum og í ár sá boltafélagið sem ég sparka stundum með um mótið.
í þetta skiptið kom eitt lið frá Gautaborg og svo voru hin liðin frá Danmörku.
ég ætlaði ekki að spila með. ætlaði bara að koma og hjálpa aðeins til á laugardeginum og Þyri kom líka. nema hvað að þegar ég kom þá var ekkert fyrir mig að gera annað en að spila með "old boys" liðinu, það vantaði mannskap. ég passaði þannig séð alveg inn í það, mun hárlausari en margur annar ;o)
en þetta var í rauninni heiður fyrir mig því að í þessu liði var einnig annar Norðfirðingur. hann heitir Ástvaldur og er Draupnisson. hann var nokkurskonar hetja þegar ég var stubbur. hann gat allt. hann sá yfirleitt um að koma upp innbæingabrennunni, sem var NB miklu flottari en útbæinga brennuhrúgan, í innbænum var nefnilega raðað að gömlum sið. ég var svo heppinn að vera með í svona brennudæmi í nokkur skipti. eitt skiptið þá vantaði fleiri bretti til þess að raða utan á brennuna. Ástvaldur og nokkrir með fóru því í brettastæðurnar sjá Síldavinnslunni um nótt og tóku með sér sleggju! þeir brutu nokkra tugi bretta og fóru svo aftur heim í háttinn. daginn eftir fóru þeir til framkvæmdarstjóra Síldarvinnslunnar og spurðu hvort þeir mættu ekki taka ónýt bretti sem væru á brettasvæðinu. að sjálfsögðu var það ekkert mál.
en allavega, þá spiluðum við Ástvaldur ásamt öðrum kempum 3 leiki. ég lagði upp nokkur mörk og skoraði eitt....stórglæsilegt að sjálfsögðu ;o) við unnum einn leik en töpuðum rest...menn ekki í formi og aldurinn farinn að segja til sín.
en gaman var það og það er nú fyrir mestu!
fari það i grábölvað
þessi helv***,andsk***,rassgats blogspot dæmi er ekki að standa sig. það kom alltaf upp einhver leiðindarvilla þegar í ætlaði að "útgefa" mín síðustu skrif. þannig að ég er búinn að bíða heillengi eftir að "þeir" myndu gera við þetta. en núnú ég þurfti ss að skipta um útlit til þess að láta þetta virka. vonandi fúnkerar þetta héðan í frá.
allavega mun ég reyna að verða duglegri að rita eitthvað næstu daga.

24.9.02

nú er engin afsökun
bara hrein og skær leti!
næturnar eru kaldar. Þyri þarf að nota vettlinga og ég húfu á morgnana þegar við staulumst með Jyllands Posten. í morgun var 0 gráður þegar ég snæddi dögurð. KALT! miklu verri kuldi en heima. þessi kuldi umlykur (umlikur?) mann og smýgur svo í gegnum skinn og bein....brrrr.

í gær, þegar við vorum búin að þrífa í leiðindarbankanum, þá sáum við gaur sem var að viðra páfagaukinn sinn. náunginn var á hjóli og með heljarinnar gauk á stýrinu og svo var keðja frá gauknum yfir í eigandann! furðulegir furðugaukar þar.

um þessar mundir er annar kórinn sem ég syng í, universitets kórinn, að æfa Vesper eftir Sergei Rachmaninov. púha hvað það er flott stykki. verst að við höfum ekki innanborðs risavaxna, rússneska kvenmenn og bassa sem syngja til helv**** eins og þarf til að syngja þetta verk almennilega. að sjálfsögðu er textinn á rússnesku (en með lesanlegu stafrófi....veit ekki hvað það heitir...allavega ekki þetta rússneska letur). ef það er hægt að líkja þessu við eitthvað þá er það kórkonsertinn eftir Schnittke nema hvað að hann er aðeins nær samtímanum...miklu nær.

okkur var boðið í brúðkaup um jólin. brúðkaupið verður haldið á Sauðárkróki og við ætlum að fara (þeas fáum við far með Dodda og Helgu, Skødstrups vinum sem eru flutt heim á klakann).

annars er bara heilmikil tilhlökkun í okkur fyrir jólin. við erum að vakna það snemma að úti er dimmt og kalt þannig að jólin eru okkur ofarlega í huga.

um næstu helgi verður klakamót svokallað. það er fótboltamót sem er haldið ár hvert af fótboltaklúbbum íslendinga á norðulöndunum. yfirleitt er þetta bara fyllerí, er mér sagt. ég ætla allavega ekki að spila, en ég ætla að hjálpa aðeins til á laugardaginn og Þyri líka.

upplestri lokið.

11.9.02

ennþá lengri pása
en ég hef afsökun. ég komst ekki mikið í tölvu á Íslandi, og þegar ég komst í maskínu þá nennti ég ekki að skrifa neitt.
þessi vika á Íslandi var bara ansi góð. UNM hátíðin var með þeim skemmtilegri sem ég hef farið á. ekki bara tónlist og tal um tónlist. menn voru líka að skoða landið oþh. en til að hafa þetta á einhverjum stað þá ætla ég að renna yfir vikuna sem leið.
fös:
- ég tók lestina til Köbenhavn og hitti Huga Guðmunds. kollega minn þar. alltaf gaman að spjalla við Huga. ég held að við gætum spjallað í sólahring án þess að skorta umræðuefni.
- tók lestina frá Hovedbanegård til Kastrup. lestin var e-ð beluð, komst ekki hraðar en svona 30km/klst þannig að ferðin tók mun lengri tíma en vanalega. ég var orðinn smá stressaður, en allt gekk samt upp.
- flugið var fínt. þegar við flugum yfir Ísland þá sá ég Vestmannaeyjabæ uppljómaðan. falleg sýn.
- Hilmar og Nína tóku á móti mér, þessar elskur, og fór ég með þeim í Fáfnisnesið. ég s.s. gisti hjá þeim alla vikuna. voða ljúft. gott að vera þar sem það er ætlast til að maður hagi sér eins og heima hjá sér, fyrir utan að ég þvoði ekki af mér né eldaði oní mig :o/ ef þið lesið þetta þá bara enn og aftur: TAKK!

lau.
- hann fór nú meira og minna í að snúast í kringum rassg*** á mér. þurfti að fara með föt í hreinsun. enginn hreinsun opin. þurfti að ath með símakortið mitt. kortið ekki lengur virkt. þurfti í mjólkurbúðina. fékk smá dreitil. og allan tíman voru N+H að skutlast með mig.
- eftir bæjarferð fórum við H í heimsókn til Gunnars og Stínu. skoða nýju íbúðina. voða fínt.
- fórum svo næst til Lóló og Ólafs. gaman að hitta þau. að sjálfsögðu var búið að dekka borð og kaffið hans Ólafs svíkur engann!
- fór pakksaddur í mat til Huga Þórðar, þess gæðadrengs og höfðingja. að koma í mat til hans er upplifun. það er ekki nóg með að maturinn hans er góður, heldur er það heilmikil skemmtan að horfa á drenginn elda. hann hefur það sem sið að byrja ekki að elda fyrr en gestir eru komnir í hús. þá eru borðnir ostar og vínber á borð og svo byrjar hann að elda á meðan gestirnir slappa af og hafa það náðugt. hvað er betra!!! Siggi Óla var líka svo ekki gerði það boðið verra. svo á Hugi líka kíki! í þetta skiptið galdraði drengurinn fram innbakaðar lambalundir með gráðostasósu og salati. ..."slurp" (vatn í munninn)...hvað þetta var gott. svo að sjálfsögðu eðal rauðvín með.
- eftir mikið og ljúffengt át fórum við heim til Bjarna Agga. þar átti nefnilega að halda Jeeves fund. Jeeves er leyniregla nokurra norðfiskra pilta (flestir eru búsettir í Rvk) og mun ég ekki segja frá neinu sem gerðist á þeim fundi...nema að vínin voru mjög góð! Bjarni á sennilega hreinlegustu piparsveinaíbúð sem ég hef komið í. meira að segja klósettið var til fyrirmyndar.
- gleðin endaði á Ölver, í orðsins fyllstu! þetta er sorglegasti staður sem ég hef komið á. misólagvist fólk að gaula í "karokee". þangað ætla ég mér ekki að koma aftur. enda var ég þar bara í 15 mín (eða lágmarkstíma sem það tekur að svolgra einum bjór).

sun.
- dandalaðist í Fáfnisnesinu fram að kvöldmat. enn ein veislan tók svo við. N eldaði dýrindis lambalæri...slurpslurp(ennþá meira vatn í munn)...og sósan klikkaði ekki frekar en fyrri daginn. svo var súkkulaði "mús" í desert. namminamm. Björg og Nína Guðrún snæddu með okkur.
- um kvöldið var svo búið að bjóða mér í kvöldkaffi til Salnýju bekkjarsystur. þar voru við Hugi, Bryndís (fyrrv. sambýliskona) og svo húsráðendur (Salný og Alli). það var voða gaman hjá okkur. heitir réttir, ostar og drykkir. alltaf að borða. enda er það svo gott, sérstaklega í góðum félagsskap.

mán.
- fór í sund að mig minnir.
- fór með fötin í hreinsun.
- setning UNM hátíðarinnar í Iðnó kl 19 og svo tónleikar á eftir.

þri.
- vaknaði of seint. fékk mér því morgunkaffi á Ömmukaffi í Austurstræti. 1 sinni.
- umræðuhópar ræddu um tónl. frá því á mán. og um komandi tónl. á þri. kvöld.
- náði í fötin.
- snæddi hádegismat á Svarta Kaffinu með DBF. súpa í brauði. 2.sinnum.
- fór á fyrirlestur hjá C. Barlow um tungumál og tónlist. áhugavert að hluta.
- fór á Sandholt bakarí og fékk mér kakó og sandköku. 3 sinnum.
- hitti Svanhvíti upp í Kennaraháskóla.
- hún bauð mér kvöldmat á Pasta Basta. léleg þjónusta og hennar matur vondur. minn ágætur, en kom töluvert á eftir hennar. ekki fara þangað aftur. 4 sinnum.
- röltum niður Laugarveginn og fórum inn á Súfistann og við fengum okkur smá kökubita í desert. 5 sinnum.
- fór á tónleika í Salnum í Kópavogi.
- fór á barinn Celtic Cross. aðalbar UNM hátíðarinnar. þáttakendur fengu afslátt (400 kr bjórinn) 6 sinnum á kaffihús eða veitingahús í dag!!! geri aðrir betur ;o)

mið.

- fór á æfingu hjá Sinfó.
- fór svo beint þaðan í Bláa Lónið með UNM genginu.
- fór á tónleika í Salnum.


fim.
- mætti seint í umræðuhóp því ég var á general æfingu fyrir tónl. kvöldsins.
- sleppti fyrirlestri því ég var kvefaður og slappur.
- fór á tónleika með Sinfó. 10-11 gekk bara ágætlega.
- fór til BÖNG eftir tónleika og drekkti kvefinu í 12 ára eðal wiský :o)
- fékk meira sótthreinsandi hjá N+H. sofnaði vel.

fös.
- aðeins hressari.
- mætti í umræðuhóp.
- skrópaði á fyrirlestri.
- fór á tónleika í Listasafni Reykjavíkur.
- kíkti svo aðeins á Prikið með UNM genginu.

lau.
- fór kl 11 upp í rútu með UNM genginu og var ferðinni heitið að Gullfoss og Geysi. Svo átti að slútta í SKálholti.
- Geysir gaus og Strokkur peppaði hann upp. Gullfoss fossaðist að gömlu vana. ekki enn búið að virkja hann. nú er lag úr því kerlingin er ekki á lífi til að stökkva í hann. útlendingarnir voru hrifnir.
- þegar við komum í Skálholt fórum við í Oddstofu. þar átti að ræða um hátíðina og hefja fyrri hálfleik tónleika dagsins því það er enginn flygill í Skálholtskirkju.
- ég, DBF og Arnar Bjarnason vorum ekki í stuði til að sitja inni og ræða um liðna viku svo við skrópuðum og fórum í labbitúr. fórum innfyrir einhverja girðingu og löbbuðum í átt að ánni. fljótlega kom jeppi aftan að okkur og út steig karl og fór hann að spjalla. hann fór svo aftur í skottið á bílnum sínum og dró fram wiský flösku. svo supum við með honum nokkuð niðrí flöskuna. svo skuttlaði hann okkur niður að ánni og við töltum þaðan uppeftir. mjög skemmtileg ganga. við komum einu verki of seint á tónleikana og við vorum fótblautir. hvað er betra?!?!?!
- snæddum mat í Skálholti.
- fórum á kaubbfélagið þegar við komum í rvk. sat þar til ca 12 var þá orðinn raddlaus eftir daginn.

sun.
- bröns í Fáfnisnesi með BÖNG genginu.
- var svo skuttlað í rútuna sem flutti mig út á völl.
- á vellinum hitti ég danska UNM gengið.
- keypti þar mini-disk-upptökutæki og spilara á 27.900,kr.
- flugið gekk vel.
- náðum ekki lestinni kl 21:40 þannig að ég og Jens (vorum bara 2 á leiðinni til Árósa) biðum á Hovedbangården til kl 00:30. vorum komnir heim kl 04 ca.
- fór beint í að bera út JP.
- svaf svo restina af deginum :o)

jæja, þetta var ekki skemmtileg lesning. en ég get ekki brugðist aðdáendaskaranum! :o)

26.8.02

long time...
...no nedd! þið verðið að afsaka það (þ.e.a.s ef einhver les þetta rugl í mér!)

á föstudaginn mun ég smyrja nesti og fara í nýju skóna, finna göngustafinn og fylla minn mal, og fara í ferðalag. ég er nefnilega að fara til Íslands og ætla að vera í höfuðborginni í rúmlega viku.
eins og komið hefur fram þá er það UNM sem dregur mig þangað (og borgar ;o) þannig að það verður nóg að gera. en ég ætla mér nú samt að verða viðstaddur fund þeirra heiðursmanna sem mynda Jeeves klúbbinn og heiðra gamla kunningja að austan með nærveru minni í kaffiboði sem búið er að boða til. svo mun ég að sjálfsögðu heilsa upp á "tengda"fjölskylduna.

annars er UNM hátíðin svolítið merkileg samkunda. þar koma saman ung tónskáld frá norðurlöndunum og bera saman bækur sínar og hlusta á fyrirlestra og drekka saman áfengi. sennilega mun samt áfengisneyslan vera mjög hófleg þar sem kaup á slíkum legi er nánast eins og þjófnaður á landinu okkar. ég hef litla trú á að fátæk tónskáld eigi eftir að hafa aur til þess að sitja inni á börum að sötra öl fyrir 500-600 kr! en það er ótrúlegt hvernig sumir forgangsraða aurunum sínum. margt kvenfólkið kaupir sér skó í staðinn fyrir að eiga eitthvað í matinn.

nú er skólinn s.s. farinn að rúlla smá. Þyri æfir sig eins og herforingi og ég með hugann við næsta stykki. það verður nóg að gera í vetur.

í gær var ég ráðinn í 1/2 bassastöðu í Sct.Paulskirke. ég mun byrja þann 15.sept. kórinn er lítill og organistinn er almennilegur og til í að gera eitthvað nýtt. hann vildi endilega að ég setti saman smá mótettu handa þeim til að nota einhvern sunnudaginn. það mun ég sannarlega gera. hljómar bara spennandi.

nú er kólímagnið í vatninu okkar orðið mannsæmandi þannig að við getum skrúfað frá krananum og fengið okkur vatn án þess að eiga það á hættu að vera fastur við salernið í nokkrar vikur. samt er mengunin ennþá í stórum hluta borgarinnar.

þessa dagana er ég að lesa Atómstöðina. ansi fín. mun meira grípandi, til að byrja með, en aðrar bækur sem ég hef lesið eftir Laxness.

við sáum um daginn norsku myndina Elling. þvílík ræma! mjög góð. þannig að ef þið eruð orðin þreytt á amerískri froðu þá skuluð þið leigja þessa. er mjög svo frískandi. einnig er Amélie frábær. ótrúlega frönsk mynd. fyndin og falleg. manni líður virkilega vel eftir þessar myndir (ekki að það sé endilega markmið með myndum, en það er gott að líða vel...gott að líða einhvernveginn...gott að upplifa)

19.8.02

...og Guð leit á hann og hann fann himnaríki. (Neddubréf 8.kapituli, 19. vers)
já, í dag fór ég inn í himnaríki á jörðu. það kallast Spanien. Spanien er sundlaug. í húsum þessarar laugar er form&fittness, en það er gymmið sem við sköturnar fengum okkur kort í. ég hafði áður farið í þessa laug en ekki litist neitt sérstaklega vel á, þó aðallega vegna þess að það er enginn almennilegur pottur og laugin er skítköld. potturinn er meira að segja þannig að maður getur verið oní 10 mín í senn (og þá bobblar í honum) en svo þarf að "hvíla" hann í 10 mín því þá er hann að hreinsa sig...dónt esk mí væ!!!
en allavega, þá er algjör unaður að fara í gymmið þarna og lyfta og sprikla smá, og fara svo í eimbað og sánu. þvílík snilld.

ég hjólaði, að sjálfsögðu í gymmið, og þegar ég kom heim þá var ég jafn blautur og ég var í sturtunni eftir ræktina. það var 30 stiga hiti í dag (að minnsta kosti!!!).

í dag var fyrsti skóladagurinn. Þyri mætti í skólann, en ég ekki því það var aungvinn tími! ég er mjög fáum tímum, það þýðir bara meiri tími til að semja!

í kvöld var svo skólasetning. ræða, Brahms sónötukafli og smá jazz-blús. og svo bjór á eftir í boði skólans......að sjálfsögðu.

18.8.02

tivolí
ekkert leiðinlegur dagur. bara mjög skemmtilegur!
ég reis úr rekkju eldsnemma, miðað við að það er sunnudagur, og fór niður í St.Pauls kirkju til að syngja í messu. ansi falleg kirkja og þægilegur kór. bara 2 í rödd þannig að við vorum bara 8. væri gott að fá fasta stöðu þarna.
ég fór í gallabuxum og skyrtu, og hefði betur látið það ógert! ég var í svitabaði þegar ég hafði hjólað heim. það var gosbrunnur á skallanum á mér!
eftir að ég hafði náð mér og kælt mig aðeins niður, inni í skugganum, þá tókum við okkur til og fórum í tívolí. þar var bara gaman. við eigum svona árskort þar og getum farið eins oft í tækin og við viljum. fórum þó ekkert rosalega í þetta. bara 2svar í barnarússíbanann og 2svar í þann stóra (sem er með 1 lúppu, best að vera aftast!). svo fórum við í klessubílana, í svona hringekju (svona bolla og hesta hringekju, ég fór á hest), í parísarhjólið sem er með ógeðslegu neðansjávartónlistinni og nokkur önnur barnatæki. við vorum sko að fagna afmælisdegi hennar Selmu, eins og ég reit í gær. við vorum með nesti og höfðum það bara huggulegt í veðurblíðunni.
mér tókst reyndar að klína mig allan út í smurningu. ég missti nefnileg kaskeitið af mér í barnarússíbananum og það lenti á teinunum áður en það datt niðrá jörð. teinarnir eru smurðir og ég tók ekki eftir því að hún væri skítug. svo tókst mér einhvernveginn að maka þessu öllu á fötin mín...komm on, ég var nú í BARNArússíbananum!

enn þurfum við að sjóða vatnið! djö*** maður!!!

17.8.02

grillaður pottaleppi í kjúklingabeði
í kvöld eldaði ég kjúlla. hérna í DK eru kjúllar ódýrir. kjúllar eru góðir.
ég skellti í eina brownies fyrst, til að taka með í tívolí á morgun. við sköturnar og Róbert og Selma ætlum að hittast í tívolí og fagna afmæli Selmu. við eigum að taka með eitthvað sætt. hún ætlar að sjá um samlokurnar, og ég held að hún ætli að kaupa þær niðri í bæ á kjúklingastaðnum sem selur samlokur með kjúlla...namminamm!!!
jæja, að efni þessa pistils!
ég s.s. var að elda kjúlla, sem Þyri hafði smurt í pestói o.fl. ég gerði svo grænmetisgratín (keyptum reyndar sósuna í Føtex. afbragsgóð knorr sósa).
ég var eitthvað að vesenast með skúffurnar í ofninum og var að ausa líka á kjúllann. allt leit svo ljómandi vel út. lyktin blandaðist við súkkulaðikökulyktina og ég var farinn að verða svangur. Þyri var ekki heima því hún fór að æfa sig aðeins niðri í skóla.
svo þurfti ég eitthvað að vesenast aftur í ofninum, nema hvað ég fann ekki annan pottaleppann.
það er lítið mál að týna einhverju hérna í íbúðinni okkar, því hún er ekki það stór að maður þurfi að leita lengi áður en hluturinn er fundinn. oftast nær nóg að snúa sé við! nema hvað bölvaður pottaleppinn fannst ekki, hvorki inni á baði né í svefnherberginu og að sjálfsögðu ekki í eld-stofunni.
mér datt þá í hug að líta inn í ofninn. gæti það verið að ég hafði gleymt honum þar...??? jújú! meira að segja hafði ég sett hann oní pottinn eftir að ég jós á kjúllann síðast!
þarna s.s. lá leppinn oná kjúlla og grillaðist með. ansi bragðgott. næst ætla ég að prófa að grilla skóna mína með (taka svona Chaplin atriði!)
kjúllinn smakkaðist vel og gratínið líka. allt þetta rann ljúflega niður með Mandra Rossa hvítvíni. bon apetit!

16.8.02

vatn er gott...eða hvað?
ég hélt að ég væri að flytjast í siðmenningu og sæmilega hreinlega og litla borg þegar ég fluttist úr Skødstrup (sem er smá þorp rétt fyrir utan Árósar). en annað er nú raunin.
þessa dagana þurfum við að SJÓÐA vatnið okkar! ekki gaman. manni líður eins og í miðri milljónaborginni Mexíkó! þannig er mál með vexti að um helgina síðustu þá var magn kolígerla í vatninu of mikið og sendar voru út viðvaranir. við megum fara í bað og þvo þvottinn okkar úr þessu vatni en ekki drekka og ekki bursta tennur upp úr því.
hérna í danmörku eru aungvin fjöll (þó svo að flytja átti alla íslensku þjóðina á jósku heiðarnar...hér eru aungvar helv*** heiðar, hvað þá fjöll!!!) eins og alþjóð veit. danir þurfa því að dæla vatninu í vatnstanka hér og þar. þessir þartilgerðu tankar eru háar byggingar svo vatnið geti fossað út um kranana okkar. fyrir c.a. 10 árum ákváðu einhverjir fjármálaplebbar og pólitíkusar að selja símafyritæki leyfi til að setja upp símamastur á einum svona turni. þetta gaf góðan aur í kassann.
þá kom að þætti iðnaðarmanna hér í DK. þeir eru latir og heimskir og kunna aungvin almennileg vinnubrögð (þetta er alhæfing sem á við rök að styðjast...en takið henni samt ekki of alvarlega ;o).
dönsku iðnaðarmennirnir klöngruðust upp á vatnsturninn snemma morguns með madpakken sinn, með snyrtilegu og huggulega gerðu smørrebrød, einn kassa af bjór og stóra borvél. þegar upp var komið þá þótti þeim nú nóg komið og tóku sér langa og góða pásu. opnuðu nokkra öllara og ræddu um hvernig þeim liði nú í vinnunni og hvað þetta væri allt saman erfitt. þeir fengju ekki að fara fyrr en kl 15 og þá væru bara 6 tímar eftir af deginum til að "hygge sig" með fjölskyldunni (að hygge sig þýðir að sitja úti í garði og drekka meiri bjór eða vín og borða pylsur eða annað góðgæti).
þegar líða tók á morguninn og þeir voru búnir að ræða sín á milli ÖLL vandamálin í vinnunni ákváðu þeir að kíkja nú aðeins á hvað þeir ættu að gera. úr því að þeir höfðu bara borvélina með, en ekkert mastur í augnablikinu, ákváðu þeir að bora nokkrar holur í tankinn. holurnar áttu að vera festingar fyrir símamastrið.
borvélin var stór og borinn líka. ölið sagði til sín og allir höfðu þeir minnimáttarkennd frá því á völsastiginu þannig að nú var sko borað í gríð og erg. þeir gáðu ekki að því hversu langt þeir boruðu.
þannig að þessa dagan erum við að súpa seyðið (eða mengaða vatnið öllu heldur) af því hversu léleg vinnubrögð þetta voru hjá iðnaðarmönnunum hérna um árið, því að á möstur setjast fuglar. fuglar eins og dúfur (fljúgandi rottur sagði skáldið) mávar (jeg hadder måkker, sagði hitt skáldið) og önnur dýr loftsins. þessi dýr eru ekki vön því að skíta á þartilgerðar keramikskálar, onei, þau skíta þar sem þeim sýnist svo. og að sjálfsögðu er þessi vatnstankur allur út dritaður. svo halda menn að drit þetta komist oní tankinn og mengi vatnið okkar.
ég veit ekki hvað skal halda. allavega vill símafyrirtækið ekki viðurkenna að þessir gerlar komist í niður í vatnið því að það hafi ekki verið borað alla leið samkv. teikningunni. en eins og ég segi þá eru danskir iðnaðarmenn ekki til að hrópa húrra fyrir.
nú er bara að bíða og sjá hvað við fáum að heyra í Jyllands Posten næstu daga. við eigum allavega að sjóða vatnið fram yfir helgi.

svo vil ég minna á að í viku 36 (1-7 sept.) er UNM (ung nordisk musik) svo allir sem vilja fylgjast með samtímtónlist, og eru orðnir þreyttir á mtv og skítamóral, ættu að mæta á tónleika í þessari viku. ég lofa því að þið munuð ekki sjá mikið af fjólubláum biðukollum, nýkomnum úr lagningu á þessum tónleikum. takið því bananana úr eyrunum og hellurnar frá, skafið aðeins út og mætið!

15.8.02

allir farnir...part II
gestir eru farnir og eftir standa tómir beddar og sængur í poka. beddarnir komnir undir rúm og bíða þess óþræufullir að geta hvílt fleiri gesti okkar. þeir eru að standa sig vel. ég vakna stundum upp við það á nóttunni að þeir eru að kalla á mig og vilja vita hvenær næstu gestir koma. ég segi þeim að ég viti það ekki alveg, en Ingibjörg og Bernie koma í lok ágúst og svo munu Hilmar og Nína koma í sept....eða var það í okt??? þau koma allavega og verða held ég eina helgi. það er svo gaman að fá góða gesti! en asnarnir við erum ekki búin að fá okkur gestabók, ég gleymi því alltaf þegar við erum niðrí bæ.

í gær kvöddum við Dodda (Dódí eins og danskurinn segir) sem bjó upp í Skødstrup ásamt sinni elskuðu Helgu og syninum Elías (stundum nefndur Lassi af okkur Róbert). Helga og Elías fóru á sunnudaginn því það átti að jarða pabba hennar á mánudaginn. Doddi fer í dag.
við sköturnar mættum um 1300 til Selmu og elduðum með henni matinn. svo snæddum við öll saman úti í garði og drukkum rautt og hvítt með og hugguðum okkur. dægileg stund. svo flúðum við inn og horfðum á "krjúpandi tígur, falinn dreki" (þessi KÍNVERSKA, ekki allir sammála um hvers lensk myndin væri) æðisleg mynd! ekki nóg með að myndin var góð, heldur horfðum við á hana í nýja heimabíóinu þeirra Róberts og Selmu. ekkert leiðinilegt.

eftir að við höfðum kvatt Dodda (sem er bæðevei frændi minn. Skúli Hjalta er hálfbróðir hans og mamma hans heitir Ólöf Þórarinnsdóttir, svona fyrir ættfræðingana) fórum við sköturnar heim og skiftum um föt og hjóluðum svo niður í bankann sem Þyri er að þrífa. ekki gaman. það þarf að ryksuga með ónýtri vél og svo er þetta á 3 hæðum og bara leiðinlegt. vorum búin að því rétt yfir 2200.

ef það er einhver sem les þetta sem veit rosa mikið um heimabíó og hljómflutningstæki þá máttu endilega hafa samband. við þurfum að fá okkur græjur, en viljum hafa góðan hljómburð frá CD. eru svona heimabíó sambærileg við góðar græjur??? svör berist til: stefan@karlmenn.is





7.8.02

djöfuls...helv...rassg...andsk...DRASL!!!!
ég var búinn að skrifa helling í þessu djöfuls...helv...rassg...andsk...DRASL bloggkerfi, svo kom bara upp einhver djöfuls...helv...rassg...andsk...villumelding og ég tapaði öllu!!!! AAAAAARRRGHHH!

anda djúpt inn, rólega út,inn,út...etc!

jæja. ég er farinn að ná mér!

innihaldið var á þessa leið.
í morgun fórum við í leikfimi eftir útburðinn. rosalega stoltur af dugnaði okkar! tókum ærlega á.

ég fann grátt hár meðal hinna rauðu, ljósbrúnu og skollituðu augnabrúna. það er ekki nóg að vera sköllóttur fyrir aldur fram heldur þarf maður líka að verða gráhærðu...ég mun samt sennilega aldrei verða var við það nema á bringunni og á öðrum stöðum þar sem hár vex því ég raka á mér hausinn með Gillett Match 3 sköfu. gott að vera gljákollur :o)

á morgun kemur Jóna María. hún hlýtur að hafa yngjandi áhrif! hún er alltaf svo hress og kát...allaveganna síðast þegar ég hitti hana...sem var NB síðustu jól!!!

5.8.02

...skildar eftir skötur tvær í koti!
nú eru gestirnir okkar farnir heim til Íslands. sniffsniff. reyndar er Björg ennþá í DK. hún er á einhverju námskeiði í København. þetta voru rosalega skemmtilegar 2 vikur og liðu mjög hratt. eins og þið hafið lesið þá var ýmislegt gert, en eitt var þó meira gert en annað. AÐ BORÐA!!!
nú þarf maður að taka sig á. drífa sig í ræktina og út að hlaupa þess á milli. minnka átið og skera niður bjórdrykkjuna (sem er nú reyndar frekar lítil).
en maður kemur í manns stað, því að á fimtudaginn koma aðrir góðir gestir til okkar í kotið. Svanhvít systir og kompaní ætla að mæta um kvöldið. þau ætla að fljúga frá Íslandi og keyra svo frá Kastrup til okkar. strembinn dagur það, þó aðallega fyrir littlu frænku mína, hana Jónu Maríu.
ég hlakka til að fá þau hingað. þau eru þau fyrstu sem koma til okkar úr "minni" fjölskyldu og vonandi ekki þau síðustu!
ætli sami pakkinn verði ekki tekinn með þeim...þau verða reyndar ekki jafn lengi og þau hin, en ég veit að þau vilja fara í Legoland :o) ætli Djurs Sommerland sé ekki líka sniðugt fyrir þau. þau eru svo mikið sundfólk. kannski er JM of lítil fyrir þetta...veit ekki.

af tónverka málum er það að frétta að ég mun senda í dag frá mér nýja verkið mitt. "Fimm vísur um nóttina" munu því fljúga til Íslands á morgun og munu þar verða æfðar og sungnar hér og þar um landið (fyrir vestan, austan og í Reykjavík) af Hljómeyki. það væri óskandi að maður kæmist heim til að vera viðstaddur frumflutninginn, en ég hef ekki trú á að það muni gerast. við sköturnar ætlum nefnilega að koma heim um jólin, svo mun ég líka koma heim í sept. vegna UNM hátíðarinnar. þar mun hið feykivinsæla "nútímaverk" 10-11, fyrir strengi og slaghörpu, verða leikið af sinfóníuhljómsveitinni...í annað sinn á þessu ári :o) mér finnst þetta vera hryllilega fyndið. ég sendi í rauninni stykkið inn í þeim tilgangi að komast heim frítt. jamms, UNM borgar brúsann ;o)
allaveganna, ef þið þekkið einhvern sem bráðvantar ferðafélaga frá DK til Íslands og vill endilega bjóða mér með, þá endilega hafið samband :o)

2.8.02

ef það verður rigning úti spilum við á spil...
loksins loksins! það er RIGNING!!! veiiiiiiii!!! en heyrðu nú mig...er verið að svíkja okkur eitthvað núna...já er það...á ekki að skella á okkur barasta meiri sól...jájá komdu þá bara með hana!!!
við sköturnar þutum upp í nótt kl 0417 vegna þess að Þyri heyrði að það var þrumuveður á leiðinni (ekki sefur hún svona laust á morgnana...). við drifum okkur í vinnugallana (buxur og bol, alltof hlýtt fyrir meira) og hjóluðum á harðarspani upp í anddyrið þar sem blöðin okkar eru sett. við ætluðum sko að ná að henda frá okkur blöðunum áður en demban kæmi, en onei, um leið og við vorum búin að setja blöðin í þar til gerðar tösukur sem við festum á bögglaberana þá kom demban! gaman það :(
við komum rennandi blaut heim 45 mín seinna.

en jújú, þið sem hafið verið að pæla í afhverju ég hef ekkert ritað undanfarna daga, þá hefur bara verið svo mikið að gera í því að leika sér með gestunum okkar. þau eru með bimma á leigu og við erum búin að fara víða.
við keyrðum t.d. upp til Ålborg, stoppuðum á leiðinni á krá í bænum Rold og fengum okkur að borða. mmmm...ég fékk mér svo gott stjerneskud (stjörnuhrap, 4 tegundir af fiski, steikt rauðspretta, gufusoðinn fiskur, hrogn og rækjur....slurp!), alveg það besta sem ég hef fengið hingað til. Svo keyrðum við í gegnum Roldskov og inn í Ålborg. skoðuðum miðbæinn og partýgötuna Jomfru Ane gade.

svo fórum við í land kennt við kubba kennda við Lego, voða fínt, rosalega mikið af fólki þó svo að það væri föstudagur. en það er samt nóg pláss í legolandi. við sköturnar fórum í svona bíó sem er í landinu. þetta er svona þrívíddarbíó. ekki nóg með það heldur fengum við á okkur rigningu, snjókomu og rok INNI Í SALNUM!!! sneðugt.
í framhaldi af Lego keyrðum við til baka yfir Jótland og snæddum í Vejle (ekkert væl í Vejle!) og héldum svo áfram yfir á Fjón og gistum á bændagistingu þá nóttina. ágætis herbergi og morgunmatur fyrir vægt verð. Nína Guðrún fékk mjög svo skrýtið rúm. það var í rauninni rekkja, með tjaldi sem hægt var að draga fyrir. voða spennandi fyrir unga krakka.

næsta dag kíktum við í Odense. fórum í gamla bæinn þar og skoðuðum H.C. Andersen safnið. við sköturnar keyptum okkur öll ævintýrin þar, á tæpar 150 kr danskar!!!.
ekki má gleyma því að veðrið var rosalega gott. þetta var um helgina 26-28 júlí.
eftir Odense keyrðum við niður í Egeskov og kíktum á slottið þar (Egeskovsslot...held ég að það heiti). frábær garður í kring og nokkur söfn í garðinum þ.á.m bíla og mótorhjólasafn.
eftir góðan dag keyrðum við upp í Middelfart og snæddum á veitingastað sem heitir Fröken Jensen. mmmm góður matur þar! kálfasteik.
svo var brunað heim í háttinn með þreytta stelpu...og ætli við höfum ekki líka verið soldið sybbin.

hvað höfum við svo gert meira????

já við fórum í dýragarðinn við Ebeltoft, skoðuðum steinaldarsafnið í Hvolris, sem er rétt fyrir ofan Viborg, við skoðuðum okkur líka aðeins um þar.

Sama dag og við fórum til Viborg og Hvolris þá fórum við á Hereford og fengum okkur steik og salatbar í boði Ólafs Hauks og Lóló. þau vildu endilega láta Örn og Björgu fá norska peninga síðan þau voru í Noregi fyrir ekki alls löngu með því skilyrði að við færum út að borða. ekkert mál að borða góðan mat :o) steikin var að venju ljúffeng. mørbrad á Hereford klikkar aldrei og salatbarinn er til fyrirmyndar, en þjónustan var aftur á móti ekki góð í þetta skiptið. fengum lélegt borð þó svo að önnur væru laus og voru það allan tímann. við báðum samt um annað borð. við áttum meira að segja pantað!!! en við vorum bara orðin svo hungruð í góða matinn sem við vissum að við fengjum.... ;o)

en núnú, er þá held ég að allt sé upp talið fyrir utan ferð í Friheden, í bambagarðinn, nokkrar ferðir í bæinn hérna í Århus og skoðunarferð í Den Gamle By.

eftir alla þessa bæi sem við erum búin að koma í (og eru nokkrir smábæir óupptaldir) þá kemst maður að því að við Íslendingar ættum að skammast okkar fyrir miðbæjarleysið. það er alveg sama í hvaða krummaskuð maður kemur í þá er alltaf göngugata þar og torg í framhaldi af því. hvað höfum við??? laugarveg og austurstræti fullt af bílum! við komum því með þá tillögu að gera fyrrnefndar götur að viðbættum skólavörðustíg að göngugötum! er ekki einhver sem gæti skilað því til sköllótta dvergsins?

22.7.02

fjallabaksleið syðri
í gær, sunnudag, fórum við sköturnar með gestum okkar kærum, á bimmanum fína sem þau leigja, í bíltúr upp um fjöll og firnindi....jújú hérna í danaveldi! við kíktum nefnilega á "hólana" sem eru hérna í kringum okkur og eru það hæstu punktar þessa flatlendis. þeir heita Ejer Bavnehøj, Yding Skovhøj og að sjálfsögðu Himmelbjerget. allir þessi hólar (fyrir utan Yding...) höfðu turna á toppnum, svona til að sjá aðeins betur yfir flötina. voða flott og merkilegt allt saman.
við kíktum líka á Horsens, Silkeborg og Skandeborg sem eru ósköp ágætir bæir.
þetta eru nú ekki langar veglengdir að rúlla þannig að við höfðum allveg tíma til að snæða nestið okkar og rölta um "fjöllin".
svo enduðum við daginn á mackies, sem er svona skyndibitamatsölustaður í miðbæ árósa. ágætis lummur og hamborgarar þar.

í dag er skýjað og skúrir annað slagið þannig að fólk ætlar að taka því rólega og skoða miðbæinn og sennilega einhverjar verzlanir með...gott að ég hef afsökun til að vera heima. ég á eftir að semja einn kafla í kórverkinu og er það fín afsökun.
bezt að hefjast handa!

19.7.02

...þann dag!...
nú er dagurinn runninn upp! dagurinn sem beðið hefur verið eftir! þessi eini sanni 19. júlí! dagurinn sem allaveganna 2 manneskjur hafa beðið eftir með meiri spenningi en eftir jólunum!
í dag koma nefnilega Björg og Örn og NÍNA GUÐRÚN!!! í heimsókn til okkar. Þyri er ekkert smá spennt. hún er búin að baka og er í skrifuðum orðum að taka til. ég veit ekki hvort hún hafi sofið nokkuð í nótt. það er ekkert lítið hlutverk að vera fyrirmynd og "frænkan".

en svona annars þá sá ég spider-man í gær. ég fór með skødstrup gæjunum (sem eru Róbert og Doddi). ágætis ræma þannig séð. hún allaveganna stóð undir væntingum. reyndar voru fyrstu "sveifla sér á húsum" atriðin ekki vel gerð. en þau voru mjög fín þegar hann var kominn í uniformið. svo voru náttúrulega svona vemmilegar senur inn á milli, en í hvaða amerískri bíómynd eru þær ekki. svo gat ég gubbað í síðustu senunni þegar hann sveiflaði sér upp á einhverja bygginguna og ameríski fáninn blakti við hún við hliðiná honum. ógeðslegt! en samt 4 hamborgararassar af fimm mögulegum.




17.7.02

árósar-vallekilda-árósar

mikið er gaman að hitta skemmtilegt og gott fólk. algjör sæla!

á föstudaginn síðastliðinn tókum við s.s ferjuna frá Árósum til Kalundborg. veðrið var mjög fínt, sól og hlýindi. ferðin var fín. líktist í raun ekkert skipsferð, mikið frekar að vera í flugvél. sæti með háu baki og engin hreyfing á skipinu. ég svaf mestan partinn af leiðinni, enda fórum við á fætur kl. 0400 til að dreifa Jyllands Posten. ferðin tók um 2.5 tíma (en svona fyrir ykkur sem viljið leika þennan leik eftir okkur, þeas að fara með ferjunni, þá er hægt að taka hraðbátinn og hann fer þetta á mun skemmri tíma).
þegar í land var komið þá römbuðum við á veg 23, sem liggur til københavn. við nenntum ekki að skoða kalundborg neitt frekar svo við löggðum bara í'ann. en við ætluðum ekki að hjóla til stórborgarinnar heldur ætluðum við að stefna á smábæ nokkurn á norður sjálandi sem kallast vallekilde. ég segi hjóla! það er svo auðvelt hérna í danaveldi að hjóla. skitnir 30 km eru ekki neitt fyrir hraust fólk á góðum hjólum!
í vallekilde er lýðháskóli og er hann einn af þeim elztu hér í landi dana. við þennan skóla kennir maður nokkur sem Oddur heitir og á hann bóndabýli rétt hjá skólanum. hann á einnig húslíki á frakklandi og eyðir hann sumarfríinu sínu þar við að gera upp "slotið". þannig að hann leigir út húsið sitt hérna í danaveldi. þessa stundina eru heiðurshjónin og höfðingjarnir Sigrún og Baldvin með húsið á leigu. hjá þeim í heimsókn er dóttir Sigrúnar, hún Vala og á hún sjarmörinn Ásgeir sem son. einnig er dóttir Baldvins, hún Guðrún, hjá þeim. þó svo að allt þetta fólk og einn til, hún Ragga sem er frænka Baldvins, yrðu í húsinu þessa helgina þá þótti það nú ekki tiltökumál að bæta okkur skötunum í hópinn. þetta kallar maður sko höfðingja!
en jæja, áfram með ferðasöguna.
við beygðum fljótlega út af leið 23, sem er "hraðbraut", inn á Marguerit-leið sem liggur norður sjáland. svona fyrir þá sem vita ekki hvað Marguerit-leið er þá er danaveldi sundurskorið af hinum ýmsu vegum en svo er búið að velja þá vegi sem eru með sérlega fallegu umhverfi og þeir kallaðir Marguerit-leið. stórsniðugt hjá þeim baunum!
fljótlega eftir að við beygðum þá komum við að stórum búgarði og við heyrðum drynjandi poppmúsík koma frá stóru sviði sem var staðsett á túninu fyrir framan húsin. þessi búgarður er nú landbúnaðarsafn og sennilega lítið um búskap. við sveigðum inn á túnið og hlýddum á ungt fólk syngja hin og þessi popplög, á meðan við mauluðum nestið okkar og sóluðum okkur. góð stund það.
eftir nesti og sólbað (og eftir að allar flugurnar sem festu sig á okkur á leiðinni voru farnar af hendleggjum og fótum) þá héldum við áfram.
lítið gerðist á leiðinni. sólin hélt bara áfram að skína, við héldum áfram að svitna og safna flugum á áðurnefnda líkamsparta.
ekki gerðist það að sjálfu sér að við fundum vallekilde. við höfðum nefnilega frekar gróft kort frá Hertz bílaleigunni og ekki voru allir smávegir merktir inná það. en þetta tókst að lokum.
þegar í vallekilde var komið fundum við háskólann og í þann mund er við hjóluðum framhjá honum kom Baldvin keyrandi úr búðinni og vísaði okkur veginn að húsinu.
húsið er í "L" þannig að í einum hlutanum er nýlega innréttað íbúðarhús og svo gripahús í hinum hlutanum. allt í kring eru svo tún og engi. ótrúlega fallegt. algjör draumur listamannsins sem vill hafa næði við iðju sína. það er ekkert lítið sem mig langar til að kaupa þetta hús, það er nefnilega til sölu!!!
næstu dögum var svo eytt í að borða góðan mat, framreiddan af húsráðendum af mikilli list, sippa, húlla, "frisbí", hnit, borða meira, fara á ströndina og busla í sjónum (eftir að Völu og Guðrúnu hafði tekist að draga alla með sér í sjóinn), liggja í sólbaði, hreinskrifa nýja verkið, rabba saman langt fram á kvöld, skoða vallekilde og lýðháskólann. ekki má gleyma að lýsa honum.
til þess að komast inn í skólann þarftu ekki að hafa neitt sérstakt próf. það er frekar mikil hefð fyrir þessum skólum hér í danaveldi. fólk fer í þennan skóla til að t.d. hvíla sig á öðru námi, eða bara til að prófa eitthvað nýtt. ýmis námskeið eru í gangi á sumrin t.d. vefnaður, leirlist, listasaga o.fl. gæti verið gaman að fara á námskeið þarna yfir sumartímann. fallegt umhverfi og fallegur skóli. ég held að skólinn sé frá 1870 (1874 ef ég man rétt...sem er ekki líklegt) og er varla hægt að lýsa honum. ég sendi bara myndir til þeirra sem áhuga hafa, svona þegar þær koma úr framköllun.
við kíktum líka á kirkjuna sem Sigrún æfir sig í og leysir af í. Hún er GÖMUL. mig minnir að hún sé frá 1100 (ég vona að einhver leiðrétti mig fari ég með rangt mál!) og er voða týpísk, sæt, dönsk kirkja. Sigrún spilaði fyrir okkur á orgelið, sem er ekki nema c.a. 5-8 radda, en hljómar fallega.
við löggðum svo í'ann heim kl 1600 á sunnudaginn. við vorum nú mun skemur að hjóla til kalundborg en frá því vindurinn var okkur hagstæður og við ekki þreytt eftir blaðahlaupin. við nýttum því þann tíma sem við höfðum aukreitis til að skoða kalundborg aðeins. eins og flestar borgir hérna þá hefur kalundborg svona "Strik" í miðbænum. við hjóluðum eftir því (já það er löglegt því þetta er ekki göngugata) og fórum upp að kirkjunni.
við ákváðum að snæða kvöldmatinn í kalundborg, þar sem að allar búðir væru lokaðar þegar heim til ósa, kennda við á, kæmum.
aftur var siglingin góð og ekkert bjátaði á.

þessi helgi var alveg yndisleg í alla staði. við munum seint gleyma henni og þá aðallega vegna þess hve góðir gestgjafar og þau eru, Sigrún og Baldvin. eins og ég segi, gaman að hitta svona skemmtilegt og gott fólk. algjör sæla!

16.7.02

...
hvað það væri gott
að hlaupa um, berrassaður, niðri á strönd
í staðinn fyrir að sitja undir risinu, í stuttbuxum einum fata,
og svitna.

15.7.02

hæhó
þessa dagana er ég rosalega upptekinn við að hreinskrifa nýja verkið (en á nú samt eftir að semja "veturinn") þannig að ég skrifa lítið. ég mun því síðar meir stikla á stóru yfir það helsta. svo mun ferðasaga helgarinnar einnig líta dagsins ljós síðar.
en svona til að kæta lund enn frekar kíkið þá á þennan fulla djazzara :o)

12.7.02

"brandari" gærdagsins...
.:hvað ertu að gera um helgina?
.:ég er að fara til Sjálands.
.:núnú, að gera hvað?
.:Sjá land!

góða helgi! ;o)

11.7.02

ég biðst...
...forláts. ég bara hafði ekki tíma í gær til að skrifa smá neddu.
ástæðan er sú að við sköturnar hlussuðumst niður í form og fitness til að fara í intro tíma í pump (sama og bodypump heima á fróni). nú eru kroppar okkar vel út þandir eftir allt þetta pump. þetta eru svona æfingar með lóð á stöng. svo þarf náttúrulega að klína einhverri viðurstyggilegri músík inn í þetta. ég skil það ekki. það er ekki eins og nokkur maður reyni, eða geti, gert æfingar í takt við músíkina. þetta er svona týpísk "búmbúm" músík, sem er í flestum tilfellum illa gerð "cover" lög (gömul lög í "nýjum" búningi, nema hvað í dag hafa fáir popptónlistarmenn hugarflug til að sníða nýjan búning á lögin. nota frekar þann gamla og skíta hann út!!!)

manni er nú bara hætt að standa á sama. núna í morgun þegar ég var að drekka morgunkaffið og hlusta á útvarpið var verið að segja frá hvernig þrumuveðrið hafði farið með Jótland. slatti af húsum sem brunnu, eftir að eldingu sló niður í þau, og einn gaukurinn fékk í sig eldingu þegar hann stóð niður á bryggju með regnhlífina sína. hann slapp lifandi.

á morgun er stefnan tekin á sjáland (...sjálandinu góða!) og ætlum við í heimsókn til vinkonu okkar sem er þar stödd í heimsókn hjá mömmu sinni og fósturpabba. þau búa núna yfir sumartímann í bóndabæ sem einhver kunningi þeirra á og þar er nóg pláss. það er bara vonandi að veðrið leiki við okkur eins og undanfarið. við ætlum nefnilega að taka ferju héðan frá árósum til kalundborg og þaðan ætlum við svo að hjóla c.a. 40 km að bóndabænum. þannig að ég endurtek, það er eins gott að veðrið haldist gott!

þannig að við verðum ekki heima um helgina og aungvin nedda rituð. en þið fáið samt ítarlega ferðasögu þegar við komum heim (nákvæmar tölur yfir uppköst á ferjunni, hversu margar flugur við gleyptum á meðan við hjóluðum, hvernig við villtumst og hvernig það reddaðist og síðast en ekki síst hversu frábært veður það var! ;o)

9.7.02

brunnin brjóst og rassar!
þetta veður er nú alveg klikk! 30 stiga hiti og smá gola. við lágum sko í 2 tíma, sofandi,í grasagarðinum í dag. og við erum vel steikt!
fyrir rest gátum við ekki meir og fórum niður í bæ og fengum okkur ís. sukkerstokken ísinn klikkar ekki....með 2 bragðtegundum af kúluís, svo kemur soft ice (þessi venjulegi úr vél), þarnæst er einhverskonar "guffi" klínt á (er eins og innvolsið í negrakossunum), sletta af sultu og svo eitt stykki negrakoss (flødebolle)...ummmm...en svo er hægt að gera enn betur og fá sér århus vaffel!!! þá eru sko 3 kúlur og svo restin eins...til að torga því þarftu í raun að vera svangur.

við dóluðum okkur svo um bæjinn og höfðum það bara notalegt. settumst undir kirkjuvegg, dómkirkjuvegg...sem er rosalega hár, og lásum Harry Potter og Kristnihald undir Jökli (dómkirkjan er aðeins flottari en þessi sem Jón Prímus negldi fyrir, en við höfum ekki jafn flott útsýni!).

svo þýddi ekki annað en að grilla, úr því að veðrið lék svona við okkur. í þetta skiptið fór nú aðeins betri matur á grillið, kjúklíngabringur og grænmeti. smakkaðist bara anzi hreint ágætlega.
það er óskaplega næs að geta setið svona úti og snætt kvöldmatinn. maður fílar sig bara eins og dani. ég man að í minni heimasveit voru menn eitthvað klikk ef þeir sáust borða úti, allavegana höfðu menn orð á því ef einhver settist út í hádeginu og snæddi!

svo til að kóróna þetta allt er komið þrumuveður og rigning...en ennþá 20 stiga hiti. það er endalaust hægt að koma okkur íslendingunum á óvart!

í dag þá kláraðist annar kaflinn í nýja verkinu, þannig að það eru 2 eftir, vetrar-og vornótt. ætli þetta blessist nú ekki bara?
brjóst og berir rassar...
...í grasagarðinum okkar. já, nú er sko sumar! milli 25-30 stiga hiti og við ætlum að flatmaga í botanisk have í allan dag. erum reyndar búin að fara niður í "kons" að vinna, þannig að við erum búin að friða samviskuna svolítið.
bezt að skella smá sólarvörn á skallan og skella sér svo út. sjáumst niðr'í garði!

8.7.02

pylsur eru frá helvíti...
og ég mun aldrei, ég segi og meina ALDREI, eta slíkan kost aftur!
í dag var nefnilega hlýtt, en engin sól að ráði. við sköturnar ákváðum að fagna blíðunni og grilla okkur pylsur. núna er ég með í maganum! ég er asni! ég veit að pylsur fara illa í mallakútinn minn og flestra í minni fjöldskyldu. jæja, maður verður bara að harka þetta af sér, en svona til að lina þjáningar mína þá sýp ég á einum ísköldum Ceres...mmm...alltaf góður!

um daginn var ég að semja verk fyrir harmoníku. spilarinn á að segja sögu, mr. noisy(hr. hávær), og spila um leið. í sögunni hnerrar hr. hávær og það er hljóðritað "AAAATIIIIISCHOUUU!!!" á ensku. á íslandi hefði verið ritað "atsjú". vegna þessa mismunar þá fór ég að spá í þessum muni á milli landa með svona lagað. hver kannast ekki við "crash","gúlp", "gisp","gelt" og fleira í þeim dúr. ég man ekkert í augnablikinu, en það er slatti af svona orðum sem passar ekki við það sem heyrist. jú...ég get t.d. nenft "zzz" en það á að tákna að maður sé sofandi!!! hvenær heyrist svona hljóð þegar maður sefur??? ég get ekki sagt annað en að "þetta er stórfurðulegur kaupfélagsstjóri"!

jæja, nú er ég þreyttu, því dagurinn er orðinn 17 tímar hjá mér, og ég ætla að fara í háttinn. svona er að vakna kl. 0400 til að bera út :o)



7.7.02

sunnudagar eru ágætir til hjólatúra.
danir hjóla mikið. þeim finnst gaman að hjóla. það er auðvelt að hjóla í danmörku...nema í Árósum!
alla mína ævi, eða allavega síðan ég vissi að það væru til fleiri lönd en Ísland og að maður kæmist ekki til þeirra með því að fara "meðfram fjallinu", þá hef ég lifað í þeirri trú að í danmörku væri s.s. svo auðvelt að hjóla vegna þess að þar eru aungvar brekkur. svo þegar ég flyst til þessa ágæta lands þá er raunin önnur, allavegana á svæðinu umhverfis mig. árósar eru nefnilega kallaðir "dönsku alparnir". vitiði afhverju? vegna þess að hér er smá hæð sem gengur upp af höfninni, og hún leynir töluvert á sér. en við sköturnar látum þetta ekki á okkur fá og hjólum oneftir og uppeftir eins og að drekka vatn...einn íslendingurinn sem er með mér í fótbolta sagði meira að segja um daginn "heyrðu! ég sá kærustuna þína í dag. hún var að hjóla UPP götuna mína" (sem er Ny Munkegade, svo er til Gammel Munkegade og það hlýtur að vera til bara Munkegade!) þessi gata ef nefnilega frekar brött og löng og til þess að komast heim til okkar úr bænum þarf að hjóla upp hana. þessi ágæti íslendingur sagðist aldrei hafa lagt í að hjóla UPP þessa götu.

en til að grobba sig aðeins meira þá hjóluðum við í dag svona c.a. 20 km! við hjóluðum nefnilega sem leið lá niður að strönd. til þess að fara að þessari strönd, sem er stærri en flestar aðrar í nágrenni árós, þá þarf að hjóla að Friheden og svo beygja þar niður að "ægissíðunni" (ótrúlega lík íslensku ægissíðunni í reykjavík) og hjóla framhjá marselisborg, sem er sumarbústaður möggu og co., og svo bara ansi lengi þar eftir inni í skógi.

allsstaðar voru danir að hafa það huggulegt ("hygge sig"). gamlar kellur með staf í annari hendi og sígarettuna í hinni að staulast með vinkonum sínum, ung pör að viðra börnin sín og jafnvel einhvern kjölturakka með, miðaldra hjónin í eins jogginggöllum að fá sér heilsubótagöngu (eftir ótæpilegt rauðvínssull og svínakjöt kvöldið áður, get ég ímyndað mér) og svo bara fólk eins og við sköturnar...ungt,glæsilegt og á framtíðina fyrir sér! ;o)
fullt af fólki var á ströndinni að borða ís eða pylsur og liggja í leti. sumir voru með nestispakka og kaffisopa og allir virtust njóta þess að vera til.

eftir þennan dag, sem NB var ekkert sérstaklega hlýr, er ég að pæla hvort ég hafi nokkurn tímann upplifað svona margt fólk að hafa það huggulegt og rólegt úti í náttúrunni. máské að ég hafi séð annað eins á skíðum í oddskarði, en er ekki viss. reyndar er hægt að segja að danir eru fleiri. hér í århus amt búa fleiri heldur en á Íslandi...en mér er sama.

þannig að endilega flykkjist nú með fjöldskylduna út í næstu náttúru (gæri verið garðurinn ykkar, skrúðgarður, eða hvað sem er) og hafið það notalegt. en hvað er ég að rausa...flestir sem gætu nokkurntímann komið til með að lesa þetta eru náttúruunnendur og blómabörn.... en það er sama, njótið þess allavegana að vera til!!! :-)
mikið er gaman að sjá svona fallegar myndir (skoðið model B200... svona elsku á ég ;).
Lifi Hamöndin!

6.7.02

eins og þið sjáið þá hef ég ekki nennt að læra meira í HTML kóðun. td þá eru aungvir tenglar á aðrar síður hér til hliðar né neitt um mig eða annað. ég veit ekki hvort ég eigi að nenna að læra þetta mál...aldrei að vita nema andinn komi yfir mig!

dagurinn í dag er búinn að vera ansi öflugur. til að byrja með þá var ég ræstur með þessum orðum "hey, klukkan er að verða 10!!!" og við áttum þvottatíma frá klukkan 9-11. ég stökk niður með þvottinn ( því ég er sá morgunglaði í sambandi okkar skatnanna :) í nýja IKEA pokanum okkar. sem betur fer var enginn búinn að taka vélarnar frá okkur.
eftir heilmikil þvottalæti þá drifum við okkur í "gymmið". rosalega er maður mikill aumingi!!! að taka sitthvort 10 kílóa lóðið og gera svona brjóstvöðvaæfingar (liggja á bekk og teygja hendleggina upp, láta svo handleggina síga til sitthvorrar hliðar og upp aftur) fór alveg með mig. ég gat varla skrifað nótur áðan!!
eftir sprikl komum við heim hungruð eins og úlfar. gleyptum í okkur kostinn. mmmm...það er svo gott að borða.
svo kláraði ég fyrsta hlutann að nýja verkinu. og ekki nema 3 eftir...fyrir mánaðarmót...tja það reddast!

í dag kom út sorgartilkynning. hinir sívinsælu smaladrengir eru hættir...í bili, bara spurning hversu langt bil það verður. við skulum því minnast þeirra með einnar mínútu þögn...........
júbbbííííí!!!! nú er allt í himnalagi. gleðigleðigleði....gleði líf mitt er....etc

5.7.02

jæja, loksins kom hann. dagurinn þurri!
í gær var matarboð hjá genginu í Skødstrup. þau grilluðu í svoleiðis mígandi rigningu að það hálfa hefði verið hellingur! en þetta tókst nú allt saman. ætli danskinum hafi ekki þótt við vera hlægileg?
við sköturnar komum með salatið, sálfræðingarnir Helga og Doddi með eftirréttinn, sem var ýmiskonar grillaðir ávextir með súkkulaði...namminamm....og aðalrétturinn kom frá klúbbhöldurunum Selmu og Róbert, en það var kalkúnn (þurrt þetta talkúm ;) á spjóti með grænmeti. það má svo ekki gleyma forréttinum en það var einhverskonar tómatsalat með beikoni og pasta ofl. allt rann þetta ljúflega niður með hinum ýmsu tegundum af hvítvínum. voðalega sumarlegt allt saman...nema veðrið!

þannig að ástæðan fyrir engri neddu í gær er tímaleysi.

mér var bent á einn svona neddugerðarmann í gær og hún þýðir allt yfir á íslensku. til að mynda þá kallar hún hringina síkátu, Cheerios, KÁTÍNUR!!! þetta er mesti brilli sem ég hef heyrt í langan tíma....fyrir utan lagið Mr. Bojangle með Robbie Williams!

en já, í dag er ss þurrt og veðrið í morgun var voðalega fallegt.

framlengið því deginum góða!

p.s. ég minni á að þann 18.des.verður myndin "Tveggja turna tal" frumsýnd (hringadróttinssaga part II)...ég hlakka svo til!!!





3.7.02

...og það rignir og rignir! huggulegt að búa í íbúð sem er undir súð þessa dagana. eintómur sumarbústaðafílíngur!

það er komið orð yfir bloggið. vinkona okkar skötuhjúanna kom með þá tillögu að kalla þetta að NEDDA (að blogga) hún setti saman "NET"+"SKRUDDA"= NEDDA :) þannig að nú mun ég í framtíðinni NEDDA á fullu og birta ykkur nýjustu NEDDU hvers dags. ef þið hafið aðrar hugmyndir, endilega látið þær flakka til mín.

út næsta árið munu bollur tvær (þó stendur önnur aðallega undir nafni) hlussast niður í FORM OG FITNESS, sem er gegnt "folkeregistrerinu", og reyna að sprikla og puða af sér allt aukaspek. við skötuhjúin erum nefnilega komin með árskort í áðurnefndri líkamsræktarstöð. einnig getum við farið í sundlaugina "SPANIEN" sem er gegnt "rutebilestadion" og baðað okkur fyrir sama kort. reyndar er laugin ísköld og enginn er heitipotturinn að ráði, en afturámóti er ágætis eimbað og sauna á staðnum. þannig að nú þýðir ekkert að væla!

heilbrigð sál í hraustum líkama...hver veit?

2.7.02

þá er kominn þriðjudagur og hann er oftast tileinkaður tónheyrn í mínu lífi. undanfarin 4 ár hef ég verið í tónheyrn á þri. og alltaf með magapínuna á mánudagskvöldum að æfa mig í fjölhryn, hinum ýmsu tegundum af 3 hljómum með viðbættum sjöundum af öllum gerðum og stærðum, atonal laglínum og margtmargt fleira. en....ahhh...það er sumarfrí og ég er EKKI í tónheyrn í dag :) húrra fyrir sumrinu.

í dag er aðeins skárra veður en hefur verið undanfarið. allaveganna í morgun kl 0500 að staðartíma (Árósar í danaveldi) náði sólin að rífa sig fram úr rúminu með okkur blaðberunum og skína aðeins á andlit okkar sem aðeins hafa tapað lit undanfarið. það er himneskt að vakna svona snemma og sjá allt vera að fara í gang. fólk að fara í vinnuna, strætó að fara sinn fyrsta rúnt, ilmurinn af gróðrinum er ferskur eftir næturregnið og einn og einn djammari á leiðinni heim í háttinn. magnaðir þessi morgnar. en svo er það besta eftir. koma heim, teygja aðeins á skönkunum eftir hlaup upp og niðu tröppurnar, fara í bað og leggjast svo aftur upp í rúm.....himneskt!

ég var að spyrja félaga minn sem er mikið inni í tölvubransanum, köllum hann bara MacÍslands, hvað "blogg" þýðir. hann segir að það sé ekkert gott orð yfir þetta. en merking orðsins er "að skrifa-dagbók-og-birta-hana-á-netinu"...ekki gott orð það...hann kom með orð eins og "netbók", sem er anzi ágætt orð, eða "netdagbók" sem er líka ágætt. en íslendingurinn ég er ekki alveg sáttur við þetta. við eigum jú nýyrði eins og "tölva", "þyrla", "vasareiknir", "peysa" (var það ekki annars bara eitthvað mis....?) ofl ofl.
ég er meira að segja það mikill íslendingu að ég sætti mig ekki við danska sálmatexta. maður les textann og hann rímar þannig. kem með dæmi úr agnus dei þeirra dana : "...miskundelig, forbarm du dig." þarna ríma "...lig" og "dig". nema hvað þeir segja: "...lig"=lí og "dig"= dæj!!!! þegar ég spurði söngfélaga minn afhverju þetta væri svona þá var svarið: " tja...það er svo erfitt að láta þetta ríma". jájá...á íslendingurinn ég að trúa slíkri vitleysu! annar hver maður á íslandi getur (og hefur) hnoðað saman einhverri vitleysu í einhverjum ströngum ljóðhætti og það rímar allt saman, innrím,útrím,framrím og ég veit ekki hvað. svo er meira að segja hægt að lesa sum ljóðin afturábak og þá ríma þau líka (en hefur álíka mikið innihald eins og þegar maður les það eðlilega). en jæja...danskurinn er ágætur. þeir eru fyndnir og búa til gott smurbrauð!















1.7.02

LOKSIN,LOKSINS!!!
áðan þá kláraði ég smá grunn að verkinu sem ég er með í smíðum þessa dagana (tja...öllu heldur þennan mánuðinn). nú er bara að hraða sér áfram með verkið! ég á að skila þessu í byrjun ágúst og það er meira en mikið eftir :-/
ótrúlegt hvað tilviljanir eru tilviljunarkenndar....ég var að spá í að semja nokkra madrigala með texta um árstíðir. gera einn um vorið og annan um veturinn og þriðja um haustið og sleppa síðan sumrinu þar sem að það kemur ekki allsstaðar í heiminum , t.d. á Íslandinu góða.
nú jæja, ég þurfti því að finna texta. og viti menn! ég datt niðrá svo brilliant ljóð eftir Sigurð Óskar Pálsson, Borgfirðing með fleiru, í hans fyrstu og einu ljóðabók. 5 ljóð um nóttina og engin sumarnótt....húrra fyrir ljóðagerðarmanninum...húrra....húrra...nú ét ég þig amma mús....
allaveganna, þá vil ég þakka mömmu og pabba fyrir að senda mér bókina hans Sigurðar hingað út! takkatakka
þá er ég byrjaður að "blogga"! er þetta sniðugt? er þetta bara fyrir athyglissjúka unglinga og síbernsk partýdýr (frá Síberíu...eða er það sýbernsk???) ? eftir nokkrar vangaveltur þá hef ég komist að þeirri niðurstöðu að þetta er sniðugt þegar maður býr í útlöndum og fólk tímir ekki að hringja eða nennir ekki, eða kann ekki, að skrifa tölvupóst.
þannig að, þeir sem áhuga hafa: værsgo!, aðrir: eyðið tímanum í annað!